Gjatë kohë ndërmjet anëtarëve tonë flitej për këtë ndeshje dhe për “borxhin” që kishte Holanda ndaj Shqipërisë qysh prej ndeshjes së parë në Amsterdam ku kombëtares sonë me ndihmën e referit i është bërë vjedhje e një pikës. Kujtojmë penalltinë e pastër që nuk e dha referi në atë ndeshje për kombëtaren tonë. Dhe kur menduam që drejtësia do të zen vendin e saj të rëndësishëm, njerëzit në fanella të zeza sëbashku me të gjithë përfaqësuesit e UEFA-së na zhgënjyen edhe një herë, duke mos akorduar penallti të pastër si dhe anulimin e një autogoli të pastër si loti, anulim prej të cilit habiteshin edhe lojtarët tjerë si dhe gazetarët e tifozët Holandez. Ti kthehemi Shvercerave. 

Në pamundësi për të gjetur më tepër autobusa, kësaj radhe udhëtuam drejt Tiranës me dy autobusa të stërmbushur dhe disa vetura private. Interesimi ishtë aë i madh sa që ishim të detyruar që të kthejmë shumë tifozë, ndoshta edhe për 3-4 autobusa tjerë. Por dihet se faji është vetëm te ata tifozë dhe te askush tjetër. Duhet të paraqiten me kohë, që edhe organizatorët të kenë kohë që të kërkojnë edhe autobusa tjerë, si dhe të mblidhen mjete për blerjen e biletave. Përfitojmë nga rasti t'i falemnderohemi Lëvizjes Qytetare ZGJOHU! Shkup si dhe Komunës së Çairit për sigurimin e autobusave pa kurrfar kompenzimi material. Lëvizja Qytetare ZGJOHU! Shkup dhe Komuna e Çairit edhe njëherë dëshmuan se kur është në pytje çështja kombëtare po na dalin gjithmonë në ndihmë. Biletat për në stadium i kemi paguar vetë, por edhe nuk është problem pagesa e biletës kur e dijmë që ajo për tribunën pas golit kishte një çmim modest prej 500 lekësh (4.25 Euro ose 250 Mkd). Faleminderojmë edhe ato që kishin dal tek monumenti i Skënderbeut, përfshirë edhe disa nga lojtarët e klubit tonë Slloga, për të na përcjellur dhe pë të uruar udhëtim të mbarë 

Nisja u bë të martën në mesnatë nga Sheshi Skënderbeu në Çarshinë e Vjetër të Shkupit. Gjatë rrugës këndoheshte pa u ndal dhe arritëm në kryeqytetin Shqiptar në orët e mëngjezit. Rrugës si zakonisht, kishte pauza të ndryshme "furnizuese" nëpër pompa të benzinës J. Në Tiranë qysh në mëngjez pushtohen lokalet rreth qendrës si dhe ato tek “ish blloku”. Me pije dhe këngë, deri në momentin kur mbidhemi te parku për t’u nisur për në stadium. Aty mblidhet kopi ynë dhe nisemi drejt stadiumit Qemal Stafa.

Në hyrje të stadiumit hasëm në kontroll të madh nga policia dhe disa flakadane,  2-3 prej tyre,  (që për këtë ndeshje ishin mbi 20 sëbashku me mbi 10 tymuese, nuk e di numrin e saktë) biejnë në duart e policisë. Kishim problem edhe me transparentin Shvercerat Shkup të cilën policët nu deshin ta lejojnë, nuk e dijmë se kush ka urdhëru një gjë të tillë. Sidoqofte, sëbashku me transparentat (Shvercerat Shkup dhe Shkupi), piroteknikën tjetër, mirëpo pa flamujt me shtaga plastike, hynëm në stadium, kësaj radhe pak më herët që të mos kemi probleme me vendet në tribunë. Animi ynë filloi diku 2 orë para ndeshjes, kur në stadium veçmë fillojnë të mblidhen tifozët nga vendet tjera dhe t'i zë vendet e tyra në shkallët e stadiumit. Një orë para fillimit të ndeshjes, filluan edhe flakadane e tymuese të ndizen, njëra pas tjetrës. U krijua një atmosferë që të bënte të mendosh që po luhen momentet vendimtare të ndeshjes ndërsa në fushën e gjelbërt nuk gjindej asnjeri (shih foto në ballinën e të përditshmës Panorama: http://img63.imageshack.us/my.php?image=shverceratmg4.jpg ). Ky fillim inspirues ishte një lajmëtar i mirë për atë që do të vijonte.  Kësaj radhe vendosëm që mos ta ndezim gjithë piroteknikën në një kohë, mirëpo t’i përdorim për  ngritjen e atmosferës në momente euforike dhe ia arritëm qëllimit së bashku me këndimin e gjatë dhe të pandërprerë. Ndezja spontane e piroteknikës na ndihmoi shumë në atmosferën e krijuar. Duhet patjetër të përmendim edhe tupanxhiun e radhëve tona, i cili ishte i papërsëritshëm dhe si asnjëherë më parë në disponim. Ritmi i tij na ndihmoi shumë që të mbahemi të gjallë. Këngët ishin ato të zakonshmet, me një këngë të re (atë me tupan) e cila në momente këndoheshte edhe nga 10-15 minuta pa u ndal fare, ndërsa në momente më të shkurta na bashkangjiteshte e tërë tribuna E. Përmendim edhe hedhjen e rreth 50 rrollneve të letrës më fishkëllimën e parë të referit anglez. Sidoqoftë, ishte kjo një udhëtim dhe paraqitje nga më të mirat deri më tani që i kemi pasë në ndeshjet e kombëtares. Poashtu ishte edhe ndeshja në të cilën lojtarët e kombëtares lan shpirtin e tyre në fushë, por fati dhe referi anglez ishte në anën e tulipanëve, atij atë natë në Qemal Stafa i mungonte vetëm fanella e bardhë e mysafirëve.

Në kop sëbashku me ne ishin edhe Tirona Fanatics, të cilët na ndihmuan shumë ne gjetjen e biletave hyrëse. Falemnderim i madh për ata djem. Ata ishin me transparentat tashmë të njohura për ne, Tirona Fanatics si dhe flamuri kombëtar me mbishkrim Çunat e Tironës. Me tifozët tjerë që ishin prezent në stadium nuk kishte edhe ndonjë koordinim të mirë, përveç se në disa momente kur i tërë stadiumi ngriheshte në këmbë.

Shfrytëzojmë rastin që edhe njëherë t’i falemnderohemi Lëvizjes Qytetare ZGJOHU! Shkup si dhe Komunës së Çairit për sigurimin e autobusëve si dhe Tirona Fanatics për ndihmën e ofruar rreth gjetjes së biletave.

Deri në ndeshjen e ardhshme,

Shvercerat Shkup