“Sivjet synojmë Ligën e parë, për at arsye jam optimist dhe besoj se në ndeshjen e radhës me Lokomotivën do të arrijmë rezultat pozitiv e pse jo edhe fitore”, pohoi sulmuesi.

7 gusht – Skuadra e Sloga Jugomagnatit ishte ekipi i vetëm që ka korrur fitoren më të thellë në cilësinë e ekipit mysafir në kuadër të javës së parë të Ligës së dytë të Maqedonisë. “Pëllumbat” nga Çairi me rezultatin 5:1, deklasuan nikoqirët edhe atë në mes të stadiumit “Mladost” në Strumicë.
Në këtë ndeshje shkëlqeu Metin Laçi, i cili shënoi një eurogol nga 20 metra.
“Para fillimit të ndeshjes me kolegët e mi u përbetuam se nga Strumica do të kthehemi vetëm me fitore. Ajo edhe ndodhi dhe vërtet jam tepër i kënaqur. Në përjashtim të momentit kur nikoqirët kaluan në epërsi, kemi qenë kundërshtar më i mirë. Zhvilluam një takim të organizuar dhe ju përgjigjëm me sukses detyrave të parashtruara nga dy trajnerët Mensur Nexhipi dhe Nexhat Shabani”, deklaroi sulmuesi. Ai me tej ka shtuar se këtë stinor do të luftojnë për të hyrë në ligen e parë.
“Sivjet synojmë Ligën e parë, për at arsye jam optimist dhe besoj se në ndeshjen e radhës me Lokomotivën do të arrijmë rezultat pozitiv e pse jo edhe fitore”, përfundoi golashënuesi i golit të dytë në Strumicë, Metin Laçi.