Ish-kampioni i Maqedonisë Slloga J., të shtunën gjendet para sfidës së parë pranverore dhe do të përpiqet që kundër ekipit  Ilinden nga Velmej të shënon fitore dhe të paralajmëron rezultate të reja. Ekipi i ri nga Çairi nën drejtimin e trajnerëve Mensur Nexhipi dhe Nexhat Shabani gjatë fazës përgatitore kanë punuar në mënyrë intenzive me qëllim që sfida pranverore me sukses të përballohet.

Ata kanë bërë gjithçka që mungesën e futbollistëve të larguar në fund të sezonit vjeshtor sa më parë ta kompenzojnë. Në ndeshjet kontrolluese ekipi disa herë ka dëshmuar se është konsoliduar dhe është i gatshëm të përballet me çdo kundërshtar të Ligës së dytë. Pikërisht sot në Çair Slloga ka rast të dëshmoi se ka potencial të mjaftueshëm për t’i gëzuar adhuruesit e shumtë të cilët që në ndeshjet kontrolluese në Çair në vepër dëshmuan se me dinjitet do ta mbështesin klubin dhe çdo herë do të jenë lojtari i 12-të i tyre.

Kur jemi te adhuruesit grupi i tifozëve  “Shvercerat Shkup” me organizmin që kanë meritojnë  të kenë klub në Ligën e parë. Për këtë ndeshje ata kanë paralajmëruar se në mënyrë të organizuar do ta përkrahin ekipin e tyre të zemrës drejt një fitore të rre.
Trajneri Nexhat Shabani në prag të duelit të së shtunës deklaroi: Jemi të vetëdishëm se përballë kemi kundërshtar të fortë, i cili me çdo kusht kërkon pikë të reja për tu larguar  nga pjesa e poshtme e tabelës. Jemi përgatitur të mos lejojmë befasi dhe kështu fitorja   dhe tri pikët të ngelin në Çair. Shpresoj se puna jonë që e kemi bërë gjatë fazës përgatitore do të kurorëzohet me fitore”.
Ndeshja Slloga J. – Ilindeni do të zhvillohet të shtunën në stadiumin e Çairit me fillim në ora 14.